Taakspan NGK Vroue beplan Vrouefees

Taakspan NGK Vroue het op 18 Augustus 2018 vergader om onder ander reëlings vir die Sappige Vroue-Wegbreek (Vrouefees) te tref.
Kom verkwik jou lagspiere, siel en gees. Pretprater en lewensgids Elsabe Aldrich blom tydens sulke naweke met meer tyd om werklik lewensverandering te bewerk. Sy bied altesaam vier Sappige Sessies van pitkos en pret aan. Dit is lag en leer tegelykertyd.
Datum: 14-16 September.
Plek: Deo Gloria Kampterrein buite Barkly-Wes.
Koste: R600 per persoon (sluit in verblyf en alle etes).
(Foto: Voor v.l.n.r.: Romaria Viviers, Hanelie van Tonder
Agter v.l.n.r.: Marina Theron, Jeanne de Villiers, Jeanetta du Preez, Louise Oosthuizen, Yolande Vollgraaff en Marscha Britz).
Taakspan NGK Vroue het besluit om in 2019 veral op die twee sake te fokus, naamlik
• Vroeë Kind Ontwikkeling
• Mamas Projek
Caritas Gemeenskapsfokus NPC is by beide projekte betrokke.